SIP म्हणजेच Systematic Investment Plan. कधीतरी कोणीतरी सांगितलं आणि केली सुरुवात SIP ची! झालं काम! असं जर तुम्हाला वाटत असेल तर तुमच्यासाठी हा ब्लॉग फार महत्वाचा आहे. SIP ची सुरुवात लवकर करणे ही जशी गरज आहे तसंच त्यात विशिष्ट कालावधीनंतर योग्य प्रमाणात वाढ करत राहणे हेही तितकंच आवश्यक आहे. त्यालाच आपण SIP TOP-UP म्हणतो.
जसं रोप लावून काम संपत नाही, तर त्याला पाणी घालण्यापासून त्याची निगा राखण्यापर्यंत अनेक जबाबदाऱ्या असतात. तसेच आपल्याला आपली गुंतवणूक सुद्धा हळूहळू वाढवावी लागते अन त्याकडे लक्ष द्यावं लागतं. Mutual Fund SIP मध्ये कुठलातरी Fund घेतला अन दिला सोडून हा व्यवहार कामाचा नाही.
SIP ची सुरुवात: का आणि कशी करायची?
SIP म्हणजे काय?
SIP म्हणजे एक असा गुंतवणूक मार्ग आहे ज्यामध्ये तुम्ही दर महिना किंवा दर तिमाही म्युच्युअल फंडामध्ये एक ठराविक रक्कम गुंतवू शकता. यामुळे तुम्हाला एकाच वेळी मोठ्या रकमेची आवश्यकता नसते आणि लहान लहान गुंतवणुकीतून तुम्ही मोठी संपत्ती निर्माण करू शकता.
हे देखील वाचा : इन्व्हेस्टमेंट (Investment) कधी सुरू करावी? करताना कोणती काळजी घ्यावी?
म्युच्युअल फंड SIP चे फायदे:
आपल्याला आपला म्युच्युअल फंड पोर्टफोलियो सतत रिव्ह्यू करावा लागतो आणि त्यात गरजेनुसार बदल करावे लागतात. त्यात Non-Performing fund काढून दुसरे funds घेणे किंवा SIP अमोउंट कमी-जास्त करणे, अपेक्षित परतावा मिळाला असेल तर ते दुसऱ्या Fund मध्ये switch करणे आवश्यक असतं. त्यासाठी सेबी नोंदनिकृत म्युच्युअल फंड सल्लागाराची मदत घेणे केंव्हाही फायद्याचं ठरतं. तसं नाही केलं तर ज्या उद्देशाने गुंतवणूक सुरू केली आहे तो सफल होत नाही. म्हणजे वर्षानुवर्षे गुलमोहोराच्या झाडाला पाणी घालून वाढवलं अन अपेक्षा होती आंब्याची!
बरेच गुंतवणूकदार इथेच मागे राहतात कारण योग्य Decision Making त्यांच्याकडे नसतं.
लवकर SIP सुरू करण्याचे महत्त्व:
SIP ची सुरुवात जितक्या लवकर करता तितकं तुम्हाला चक्रवाढ व्याजाचा फायदा मिळतो. लवकर सुरू केल्याने तुमचं उद्दिष्ट साध्य होण्यासाठी वेळ कमी लागतो आणि परतावा जास्त मिळतो.
SIP TOP-UP म्हणजे नेमकं काय?
SIP TOP-UP ची गरज:
फक्त SIP सुरू करून काम होत नाही, तर त्यात वाढ करत राहणं गरजेचं आहे. तुमच्या पगारवाढीप्रमाणे SIP मध्ये सुद्धा दरवर्षी थोडी रक्कम वाढवणे म्हणजे SIP TOP-UP होय. यामुळे तुमची गुंतवणूक वाढते आणि तुम्ही लवकर उद्दिष्ट साध्य करू शकता.
SIP TOP-UP कसा करता येतो?
SIP TOP-UP हा एक लवचिक पर्याय आहे. तुम्ही तुमच्या नोकरीतील पगारवाढ किंवा इतर कोणत्याही उत्पन्नवाढीनुसार SIP मध्ये TOP-UP करू शकता. SIP TOP-UP करून तुम्हाला दरवर्षी SIP रक्कम वाढवायची संधी मिळते आणि त्यामुळे तुमची संपत्ती निर्माण करण्याची प्रक्रिया जलद होते.
TOP-UP SIP चं एक सोपं उदाहरण घेऊयात!
आज तीसवर्षीय अभिषेकने Retirement साठी महिना 10,000 रुपयांची Monthly SIP सुरू केली. सरासरी 12% CAGR (Compound annual growth rate) परतावा गृहीत धरता वयाच्या साठव्या वर्षी म्हणजेच, आजपासून तीस वर्षांनंतर अभिषेकला साधारणपणे 3 कोटी इतकी रक्कम मिळेल. त्यातून तो दरमहा पेन्शन वगैरे सुरू करू शकतो.
पण समझा, अभिषेकला दरवर्षी त्याच्या नोकरीत पगारवाढ मिळते आणि तो निर्णय घेतो की 1000 रुपये ही रक्कम SIP मध्ये ऍड करायची. मग पोर्टफोलिओ रिबॅलन्स करून चांगला फंड निवडून SIP TOP-UP केल्यानंतर 11,000 रुपयांची SIP सुरू राहील. त्याच्या पुढील वर्षी 12,000 रुपयांची SIP सुरू होईल. म्हणजे सरासरी दर वर्षाला 10% SIP TOP-UP होईल! हे जर गणित मांडलं तर तर तीस वर्षांनंतर टोटल फंड होईल जवळपास 5 कोटी!
सांगायचं तात्पर्य इतकंच की आपला पगार किंवा आपले अर्निंग दरवर्षी वाढत असेल तर त्याला गुंतवण्याचा प्रयत्न करायचा. SIP चा पर्याय अगदी लवचिक आहे जो कधीही वाढवता किंवा कमी करता येतो. त्या दृष्टीने जर वाढ केली तर टॉप-अप सिप अगदी टकाटक परतावा देईल आणि आपल्याला संपत्ती निर्माण करण्यासाठी आपले उद्दीष्ट साध्य करण्यासाठी हातभार लावेल!
हे वैशिष्ट्य आहे नियोजनबद्ध गुंतवणूकीचं!
ते वेळीच ओळखून त्या पद्धतीने अमलात आणणे सुद्धा गरजेचं असतं.
हे देखील वाचा : महागाई (Inflation) चा परिणाम: १०, २०, ३० वर्षांनंतर १ कोटी रुपयांचे मूल्य किती असेल?
SIP मध्ये गुंतवणूक वाढवण्याचे फायदे
फंड रिव्ह्यू आणि रिबॅलन्सिंगचे महत्त्व:
सतत आपल्या फंडचा रिव्ह्यू आणि आवश्यक ते रिबॅलन्सिंग करणे अत्यंत महत्त्वाचे आहे. काही वेळा Non-Performing फंड्समधून बाहेर पडून चांगले फंड्स घेणे हा एक योग्य निर्णय असतो. यासाठी तुमच्या SIP मध्ये TOP-UP हा एक योग्य पर्याय ठरू शकतो.
SIP TOP-UP मुळे उद्दिष्ट साध्य होण्यास होणारी मदत:
SIP TOP-UP मुळे तुम्हाला तुमचं उद्दिष्ट साध्य करण्यासाठी अधिक निधी मिळतो. SIP मध्ये नियमित TOP-UP करणे म्हणजेच आपल्या गुंतवणुकीत वाढ करणे, जेणेकरून तुम्हाला उच्च परतावा मिळतो.
सामान्य SIP आणि TOP-UP SIP मधील फरक
SIP TOP-UP चा मुख्य फायदा म्हणजे SIP मध्ये नियमितपणे वाढ करता येणे. सामान्य SIP मध्ये आपण एक स्थिर रक्कम गुंतवतो, तर TOP-UP SIP मध्ये आपण दरवर्षी थोडी थोडी रक्कम वाढवत जातो. यामुळे टोटल फंड अधिक वाढतो त्यामुळे परताव्यात सुद्धा लक्षणीय फरक असतो.
परफेक्ट पोर्टफोलिओ कसा बनवावा?
चांगले फंड कसे निवडावेत?
तुमच्या SIP मध्ये चांगले फंड्स निवडणे अत्यंत महत्त्वाचे आहे. तुमच्या गरजेनुसार विविध प्रकारचे फंड्स निवडले पाहिजेत, जेणेकरून तुम्हाला चांगला परतावा मिळू शकेल.
Non-Performing फंड्स काढणे कधी आवश्यक आहे?
काही फंड्स वेळेनुसार परफॉर्म करत नाहीत. अशावेळी तुम्हाला Non-Performing फंड्समधून बाहेर पडून चांगले फंड्स निवडणे गरजेचे आहे.
SEBI नोंदणीकृत सल्लागाराची मदत का घ्यावी?
तुम्हाला योग्य वेळेत योग्य निर्णय घेता यावेत, यासाठी SEBI नोंदणीकृत सल्लागाराची मदत घेणे महत्त्वाचे आहे. यामुळे तुम्हाला दीर्घकालीन फायदे मिळू शकतात.
दीर्घकालीन उद्दिष्टांसाठी तज्ज्ञांची मदत आवश्यक का आहे?
तुमची गुंतवणूक योग्य ठिकाणी आणि योग्य प्रमाणात वाढवण्यासाठी तज्ज्ञांची मदत घ्यावी. ते तुमच्यासाठी योग्य पोर्टफोलिओ तयार करण्यात मदत करतात.
टॉप-अप SIP ही टकाटक निवड का आहे?
तुमची पगारवाढ किंवा उत्पन्नवाढ झाली की ती SIP मध्ये गुंतवणे एक उत्तम उपाय आहे. यामुळे तुम्हाला अधिक रक्कम गुंतवता येते आणि तुम्ही अधिक फायदा घेऊ शकता. SIP TOP-UP मुळे तुमचं संपत्ती निर्माण करण्याचं उद्दिष्ट साध्य करण्यासाठी मदत मिळते. SIP ची रक्कम वाढवल्याने तुमचा पोर्टफोलिओ अधिक सशक्त होतो.
संपत्ती निर्माण करण्यासाठी नियोजनबद्ध गुंतवणूक:
योग्य वेळी घेतलेले गुंतवणुकीचे निर्णय तुमच्या वित्तीय भविष्यासाठी अत्यंत महत्त्वाचे असतात. SIP TOP-UP हा एक उत्तम पर्याय आहे जो तुम्हाला वेळेनुसार गुंतवणूक वाढवण्याची संधी देतो.
FAQs :
1. SIP TOP-UP कधी करावा?
तुम्ही तुमच्या पगारवाढीनुसार किंवा उत्पन्नवाढीनुसार दरवर्षी करू शकता. यामुळे तुम्हाला नियमितपणे अधिक रक्कम गुंतवता येते.
2. मुख्य फायदे कोणते आहेत?
तुमची गुंतवणूक वाढते, तुमच्या उद्दिष्ट साध्य करण्यासाठी मदत मिळते आणि तुमचा पोर्टफोलिओ अधिक सशक्त बनतो.
3. SEBI नोंदणीकृत सल्लागार का महत्त्वाचे आहेत?
SEBI नोंदणीकृत सल्लागार तुम्हाला योग्य वेळेत योग्य निर्णय घेण्यास मदत करतात. ते तुमचं पोर्टफोलिओ योग्य प्रकारे व्यवस्थापित करतात.
4. SIP TOP-UP चा दर कसा निवडावा?
SIP TOP-UP चा दर तुमच्या पगारवाढीनुसार किंवा उत्पन्नवाढीनुसार निवडला पाहिजे. दरवर्षी थोडी थोडी वाढ करत जाणे हे सर्वोत्तम आहे.
5. साधारण SIP आणि SIP TOP-UP यामध्ये काय फरक आहे?
साधारण SIP मध्ये तुम्ही एक स्थिर रक्कम गुंतवता, तर SIP TOP-UP मध्ये दरवर्षी तुम्ही गुंतवणुकीत वाढ करता. यामुळे तुम्हाला अधिक फायदा होतो.
6. SIP TOP-UP मुळे कोणते फायदे मिळतात?
तुम्ही तुमच्या गरजेनुसार आणि उत्पन्नानुसार SIP मध्ये वाढ करू शकता.
तुम्हाला हा लेख आवडला असेल तर आपल्या मित्रांसोबत, नातेवाईकांसोबत जरूर शेअर करा आणि गुंतवणूक संबंधित अजून माहिती येथे वाचा!
Disclaimer:
या लेखातील माहिती केवळ शैक्षणिक आणि सामान्य मार्गदर्शनासाठी आहे. कोणतीही इन्व्हेस्टमेंट करण्यापूर्वी आपल्या आर्थिक परिस्थितीचा विचार करा आणि योग्य प्रमाणपत्र असलेल्या वित्तीय सल्लागाराचा सल्ला घ्या. rupayachikatha.com या माहितीच्या अचूकतेसाठी किंवा इन्व्हेस्टमेंटच्या यशस्वितेसाठी जबाबदार नाहीत. इन्व्हेस्टमेंटमध्ये जोखीम असते आणि त्यामुळे तुम्हाला आर्थिक नुकसान होऊ शकते. कृपया सावधगिरीने आणि आपल्या जोखमीची क्षमता ओळखूनच इन्व्हेस्टमेंट करा.
